Сымон-Музыка (Dialectic Soul)

Датай пачатку існаваньня праекта «Сымон-Музыка» можна лічыць момант выхаду песьні «Сымон-музыка», выданай на зборніку Metallection III у 2004 годзе. Ідэя нарадзілася годам раней, на адной з рэпетыцый гурта Dialectic Soul са словамі: «А чаму б не паспрабаваць сыграць нешта на роднай мове?»
«Сымон-музыка» быў трэцім названым творам пасьля «Мiколка-паравоз» і «Людзi на балоце».

Улічываючы той момант, што ў гурце знаходзілася вакалістка Тацьцяна, пытаньне з пошукам выканаўца не выклікала праблемаў. Цягам месяца песьня была гатовая, празь некаторы час запісаная і адпраўленая на адбор лэйблу БМА (Беларуская музычная альтэрнатыва) для вышэйзгаданага зборніка, дзе журы, што складалася з крытыкаў метал-сцэны РБ, паставіла яе на 4 месца, а разам з тым трэк заняў сваё ганаровае месца на дыску.

Паэма «Сымон-музыка» (1925 г.) напісана вялікім пісьменьнікам Якубам Коласам, якога па праву лічуць заснавальнікам беларускай літаратуры. У паэме праз вобраз Сымона адлюстравана беларуская рэчаіснасьць канца XIX — пачатку XX стагодзьдзяў, увасобленыя рэвалюцыйная роспач, псіхалогія і побыт сялянства. Для творчасьці Коласа характэрна мастацкае выяўленьне роднай прыроды і глубокае веданьне псіхалогіі беларускага народу.

На пряцягу доўгага часу (да 2010 года) гаворка аб праекце на роднай мове фактычна не паднімалася. Кожны ствараў мелодыі і песьні незалежна адзін ад аднаго. І ў той момант, калі колькасьць матэрыялу і жаданьне яго рэалізоўваць сталі кульмінацыйнымі, – гурт прыняў рашэньне распачаць ягоную рэалізацыю. Зь лютага па сакавік 2010 музыкі гурта Dialectiс Soul (Знахарэнка Вячаслаў, Ключнікаў Аляксандр і Куліцкая Галіна) зрабілі запіс усіх інструментаў. Астатні час да канца года ажыцьцяўляўся падбор тэкстаў, карэктаваліся аранжыроўкі, вырашалася пытаньне з выканаўцамі жаночых партый, якія ў далейшым былі выкананыя вакалісткамі народнага ансамля «Рэчыцкiя музыкi» Вікторыяй Бідавай і Ілонай Аўрамчыкавай.



Цягам першай паловы 2011 года быў праведзены запіс вакалу і зьвядзеньн альбом, які атрымаў сваё фізічнае ўвасабленьне ў лімітаваным выданьні альбома Сымон-Музыка формату DigiBook, выданага на лэйбле Strong Music Productions 25 жніўня 2011 года. З той нагоды, што праца над Folk Metal праектам адняла больш запланаванага часу, гурту прыйшлося перанесьці рэалізацыю свайго чацьвёртага альбома на няпэўны час.

>>> НАБЫЦЬ ДЫСК <<<