Stardust Circus - шоў атрымалася!
Апублікавана
у
Інтэрв'ю
Было немагчыма не спытаць музыкаў Stardust Circus аб іх уражаньнях пасьля шоў Monkeys Of XXI, прысьвечанага прэзентацыі альбома з адпаведнай назвай. Пагутарыць наконт усяго гэтага вырашыў гітарыст-заснавальнік і проста вельмі прыемны чалавек — Stevie Black. Распавядзіце пра адчуваньні, як гэта выступаць на сольным канцэрце ў Re:Public’у перад 500 гледачамі?
Цудоўна! Прыемна адчуваць, што ўсе 500 чалавек прыйшлі на Stardust Circus. Калі граешь на салянках і якіх-небудзь конкурсных канцэртах, у зале ёсьць людзі, якім такая музыка можа не прыйсьціся да спадобы. Аднак, 10-га кастрычніка ўсё было па-іншаму. Публіка літаральна зараджала нас сваёй энергетыкай. Нам заўсёды ў тры разы прыемней граць перад сваёй публікай: людзі падпявалі, шалелі і добра праводзілі час. На наш погляд, гэты канцэрт – вельмі добры прыклад яднаньня гурта і аматараў якаснай музыкі.
Што бы вы хацелі сказаць усім тым людзям, якія былі ўпэўнены, што такі клуб не зьберацё, не пацягнеце і г.д.?
Гэтым людзям мы хацелі б паказаць фота з канцэрта ☺ :
Мы ніколі не бярэм да галавы розных песымістаў ды скептыкаў, мы проста робім сваю працу. І лепшым адказам, як мы лічым, зьяўляюцца 500-600 задаволеных гледачоў.
Вашыя пачуцьці ад канцэрта і кантакта зь людзьмі?
Усё наконт гэтага было сказана вышэй.
Пасьля выступу дзьверы ў грымёрку не зламалі фанаты?
Не зламалі, дзякуючы ахове Re:Public’а. Жадаючых прарвацца было, на самой справе, вельмі многа. На жаль, фізічна немагчыма пасьпець з усімі пагутарыць. Таксама ўвесь час пасьля канцэрта быў заняты прэсай і масс медыа.
Вы зьдзейсьнілі выхад на новы ўзровень з гукам, канцэртнай пляцоўкай, прадстаўленьнем матэрыяла і ўсяго астатняга, якія наступныя вяршыні зьбіраецеся штурмаваць?
Далей мы зьбіраемся паспрабаваць значна пашырыць геаграфію выступаў. Нам было б ня толькі цікава паехаць з гэтым шоў па гарадах Беларусі, Расеі і Украіны, мы зьбіраемся паказаць яго ў краінах заходняй Еўропы, Англіі і ЗША. Ужо зараз мы вядзем адпаведныя перамовы і набіраем неабходны для гэтага штат людзей. Мы паступова пачынаем нарошчваць абароты і моц. З маленькай клубнай каманды Stardust Circus пераўтварыліся ў машыну, для запуску якой патрэбны ўдзел вялікай колькасьці чалавек. Прэзентацыю ў Re:Public’у, напрыклад, абслугоўвала каля 25 чалавек.
Што нам, менскім аматарам рок-н-роллу чакаць ад Стардастаў у будучыні?
Мы працягваем пісаць новы матэрыял і ў наступным годзе плануем выдаць некалькі сінглаў. Зьбіраемся стала выступаць, канешне, маленькія клубныя канцэрты мы будзем рабіць не такімі маштабнымі, як прэзентацыю альбома, але на вялікіх пляцоўках будзем выдаваць шоў Monkeys Of XXI. А потым распрацуем новую канцэпцыю і пастараемся яшчэ болей усіх зьдзівіць!
Рэпартаж з глэм рок шоў Stardust Circus — Monkeys Of XXI глядзець тут.
Тэкст: Сяргей Бохан rocker
0 каментароў