Massa Brutto №666. Разьвітальны выпуск

Апублікавана 6 сакавіка 2013, 17:11 у Навіны

Зьявілася наступная навіна ад Аляксандра Літвінскага:

22 сакавіка на Радыё-Мінск — «Маса Брута» пад парадкавым нумарам 666. Апошняя праграма…

Яна пройдзе не зусім у звыклым фармаце. Гэта вырашана было назваць on-air/online party. Літаральна за два крокі ад «Радыё-Мінск», у невялікім клубе «Алекс'С», а 20:00 пачнецца мерапрыемства, у якім возьмуць удзел каля васьмі калектываў. Іхны склад будзе сфармаваны і абвешчаны крыху пазьней.
А 23:00 усё гэтае «буянства» пальецца ў прамы эфір, робячы яго «крывым» (у добрым сэнсе, зразумела). Ганаровы госьць — Міхаіл Васількоў (адзін з аўтараў і вядоўцаў «Масы Брута»). Увогуле, будзем ставіць наш бронецягнік на запасны шлях. Разам.

Уваход — 100.000 (папярэдне) і 120.000 (у дзень мерапрыемства). Колькасьць квіткоў абмежаваная! Катэгарычна! Квіткі будуць даступныя з 12 сакавіка.

Як толькі зьявіцца поўная інфармацыя па канцэрту — далучым анонс у наш каталог.