Купальскі open-air фэст "Сьвята Сонца"

Апісаньне

Месца правядзеньня: музейны комплекс «Дудуткі».
Пачатак: 10:00 18 чэрвеня.
Заканчэнне: 18:00 19 чэрвеня.

Афіцыйны сайт
Суполка ўкантакце

Кошты:
240 тыс. бел. руб. — на 18 чэрвеня (прома-кошт)
200 тыс. бел. руб. — на 19 чэрвеня (прома-кошт)
380 тыс. бел. руб. — на 2 дні
700 тыс. бел. руб. — сямейны квіток на 2 дні(2 дарослых+2 дзіцяці школьнага ўзросту)

Як даехаць:
• рэйсавы аўтобус №323
Менск А/B Паўднёва-Заходні — Дудуткі (9.51, 13.02, 16.17);
Дудуткі — Менск А/В Паўднёва-Заходні (11.15, 14.20, 17.40);
• электрычка да Рудзенска + бясплатны трансфер;
• знайсьці спадарожніка можна ў спецыяльнай тэме ўкантакце

Даведкі:
+375(17)290-2526
+375(33)377-1710
+375(17)133-0747
+375(29)368-1046

Тэрыторыя Сьвята будзе падзелена на разнастайныя зоны:

• Інтэрактыўная зона: на шматлікіх інтэрактыўных пляцоўках вы зможаце пастраляць з лука, навучыцца фехтаваць, пакатацца конна або ў брычцы, пагуляць у настольныя гульні, ўзьлезьці на вяршыню скаладрома, пазмагацца на пляцоўцы «Батлгейм», наведаць лагер шатландцаў і намёт інквізітараў, вас чакае гіганцкі твістэр, манетны атракцыён і многае іншае! Калі захочацца экстрыму, можна будзе палётаць над Дудуткамі на самалёце, верталёце або паветраным шары! Гэтак жа будзе працаваць вераўчаны гарадок, дзіцячыя пляцоўкі.
• Рыцарскі турнір: пляцоўка зь гістарычным фехтаваньнем, паказальныя выступленьні, майстар-класы вядзеньня бою ад рыцараў.
• Горад майстроў: рамесныя шэрагі ў фармаце сярэднявечнага кірмаша. На прылаўках гандлёвых павільёнаў — гліняны посуд, вырабы зь металаў і дрэва, нацыянальнае адзеньне, ўпрыгажэньні і біжутэрыя ручной працы, сярэднявечная зброя, музычныя інструменты і многае іншае. Кожны з гасьцей зможа паспрабаваць самастойна вырабіць што-небудзь сваімі рукамі, наведаўшы шматлікія майстар-класы: ганчарныя, кавальскія, разьбе па дрэве, па касьці і г.д.
• Турнір лучнікаў, які адбудзецца ў новым для Беларусі фармаце: ўсе аматары змогуць праверыць сваё майстэрства ў стральбе па мішэнях на дыстанцыях да 140 метраў.
• Этна-пляцоўка, дзе кожны наведвальнік мерапрыемства зможа зрабіць сабе адзін з галоўных сімвалаў Сьвята – купальскі вянок, а таксама павучыцца пляценьню паясоў у майстроў і даведацца пра купальскую варажбу.
• Лекцыі: навуковыя канферэнцыі ад вядучых этнографаў і гісторыкаў нашай краіны пра традыцыі Купальля, абрады і сімвалы сьвята
• Будзе дзейнічаць намётавае мястэчка для гасьцей, працаваць паркінг, фудкорт.

На галоўнай сцэне госьці змогуць атрымаць асалоду ад выступаў музычных калектываў, прыняць удзел у майстар-класах па танцах, паглядзець на зачаравальныя перформансы. На пляцоўцы будуць працаваць наступныя калектывы: студыя этнічнай пластыкі Ketri, гурт «Дзiвабор», танцавальны калектыў «Soleil», неафолк гурт Vodar, фолк-гурт Hardwood, калектыў этнічнай музыкі, школа дыджэрыду «Эхо земли», танцавальны калектыў «Фоксхарт», этнічны калектыў «Арацэя», эксперыментальны тэатр T(e) = Art і іншыя.

Таксама на галоўнай пляцоўцы адбудзецца самая вялікая падзея фэста — open-air канцэрт з удзелам знакамітых калектываў айчыннай і замежнай folk/folk-rock/pagan сцэны:

• Irdorath (Беларусь)
• Pawa (Беларусь)
• Teufelstanz (Расея)
• FRAM (Украіна)
• Рокаш (Беларусь)
• By Cry (Беларусь)
• Navi (Беларусь)
• Forodwaith (Беларусь)
• Sontsevorot (Беларусь)
• Hardwood (Беларусь)
• Ягорава Гара (Беларусь)
• Всё_Crazy (Беларусь)
• By Effect (Беларусь)
• Terrakod (Беларусь)
• Inspiria (Беларусь)
• Aillion (Беларусь)
• Whiskey Bar

Пасьля заканчэньня open-air канцэрта, адбудзецца вялізнае вогненнае шоу, факельнае шэсьце да ракі Пціч, на беразе якой запылае вялікае купальскае вогнішча! Затым — скокі-карагоды, гульні, купальскія забавы ды шмат чаго іншага.