Новая песьня ад Aillion

Апублікавана 26 сакавіка 2013, 12:10 у Навіны

Як абяцалі айчынныя эліны яшчэ на MassaBrutto-666, новая кампазіцыя «Пустые слова» ў хуткім часе зьявіцца ў сеціве, і гэта было зусім не пустымі словамі.
Песьня для прыхільнікаў гурта не апынецца сурпрызам, бо яна гучала на розных канцэртах амаль з год таму і толькі зараз выдадзена ў запісу.
Кампазіцыя «Пустые слова» адрозьніваецца драйвовай стылістыкай і жорсткай падачай, мадэрновым гучаньнем і напорам. Але ж застаецца усё тым самым хэві, які граюць музыкі Aillion яшчэ з часоў іхнага ўдзелу ў калектыве гурта «Стая».
Таксама на MassaBrutto-666 Эйліон пазнаёмілі фэнаў з новым удзельнікам — бубначом Антоніо, ён зьмяніў ужо былога удзельніка — Сяргея Байкова. Нагадваю, што Антоніо раней граў ў Kamaedzitca, у лепшыя гады гурта.
А вось і сам рэліз, выкладзены для вольнай спампоўкі на афіцыйным сайце: Aillion — Пустые слова