Рок-Бастыён - новая рок-крама

Апублікавана 3 траўня 2013, 18:16 у Навіны

4 траўня ў Менску адкрываецца новая рок-крама пад назвай "Рок-Бастыён", крама для рокераў, металістаў, готаў ды ўсіх-ўсіх нефармалаў. І плануецца ня проста крама, а больш сур'ёзнае культурнае месца.

Па словах прадстаўнікоў «Рок-Бастыёну»: «У Менску, на жаль, ня так шмат гандлёвых кропак, якія могуць у вольным доступе прадаставіць пакупніку шырокі асартымент тавараў. Але мы ня хочам быць чарговай кропкай, якая паспрабуе замяніць знакаміты Iron Dream — у сьценах нашай крамы мы таксама плануем ладзіць розныя прэзентацыі, аўтограф-сесіі ды многія іншыя цікавыя акцыі. Мы ня хочам проста прадаваць тавар, мы хочам быць сябрамі для нашых кліентаў».

На дадзены момант да рэалізацыі падрыхтаваная рок-атрыбутыка, брутальная вопратка і аксэсуары, нефармальныя ды арыгінальныя падарункі. Рокерскія майкі з гуртамі, нашыйнікі, напульсьнікі, шыпы і заклёпкі, рамяні, банданы і многае іншае — усё гэтае дае крама рок-атрыбутыкі ў Менску і Беларусі.

Дарэчы, менавіта тут па прома-коштах можна будзе набыць квіткі на вераснёвы канцэрт Napalm Death і чэрвеньскі канцэрт гурта «Коррозия Металла».

Адкрыцьцё адбудзецца заўтра, 4 траўня ў 12.00. На ўсе тавары будзе дзейнічаць зьніжка 10%. Знахозіцца крама «Рок-Бастыён» у павільёне нумар 66 у ГЦ «Глоба» (Уманская, 54, ст.м. Міхалова).

Сачыць за навінамі можна праз сайт і старонку ўкантакце.