Ляпіс Трубяцкой - Не быць скотам
Апублікавана
у
Навіны
7 лістапада адбылася прэм'ера новага кліпа гурта «Ляпіс Трубяцкой» — «Не быць скотам». Гэта першы сінгл з будучага альбома «Ляпісаў» і першая песня ў гісторыі гурта, напісаная яе лідэрам Сяргеем Міхалком на вершы іншага аўтара — класіка беларускай паэзіі Янкі Купалы.
Верш Купалы пад назвай «Хто ты гэткi?» (1908) пачаў гучаць на канцэртах «Ляпісаў» з сярэдзіны 2010 года. Гэтыя 16 радкоў, складзеныя з 8 пытанняў і 8 адказаў, Сяргей Міхалок чытаў у ліку іншых сваіх любімых вершаў у перапынках паміж песнямі. А ў верасні 2011 года, на канцэрце ў Санкт-Пецярбургу, «Ляпіс Трубяцкой» ўпершыню выканаў песню «Не быць скотам», напісаную на тыя самыя вершы Купалы.
«Я доўга не мог падступіцца да гэтага вершу, бо тут у некалькіх радках закладзены эпас і гісторыя цэлага народа, — распавядае Сяргей Міхалок. — Мяне ўразіла, што вершы, напісаныя шмат гадоў назад і якія былі ў той час злабадзённымі і сфакусаванымі на рэальным жыцці, і сёння гучаць вельмі актуальна. Пацешна, што Купала можа падказаць ўсім беларусам, што рабіць і як жыць тут і цяпер — прычым лепш, чым любыя прамовы сучасных палітыкаў».
Песня «Не быць скотам» стала першай ластаўкай з будучага альбома «Ляпіса Трубяцкога», які выйдзе ў 2012 годзе. Як і папярэднія чатыры пласцінкі групы, гэтая песня была запісаная ў Кіеве, і там жа «Ляпісы» знялі на яе відэакліп. Рэжысёрам роліка стаў Аляксандр Сцекаленка, да гэтага які зняў «Ляпісу Трубяцкому» кліпы «Я веру» (непальская версія) і «Прынцэса». У новым відэа музыкі гурта паўстаюць у вобразе людзей працы пачатку 20 стагоддзя: рабочых, сялян, разначынных інтэлігентаў, якія ў фінале хорам скандуюць: «Не быць скотам!».
«Я свядома змяніў назву песні, — тлумачыць Сяргей Міхалок. — У нас яна называецца «Не быць скотам», а не «Хто ты гэткi?», як арыгінальны верш Янкі Купалы. Таму што для мяне зараз «Не быць скотам» — гэта значыць, не быць нямой скацінай, жуйнай жывёлай, абыякавым да ўсяго, што тварыцца вакол і задаволеным змесцівам сваёй кармушкі — гэта наогул галоўны дэвіз. Я нават сабе татуіроўку зрабіў з гэтай фразай — на жываце".
Верш Купалы пад назвай «Хто ты гэткi?» (1908) пачаў гучаць на канцэртах «Ляпісаў» з сярэдзіны 2010 года. Гэтыя 16 радкоў, складзеныя з 8 пытанняў і 8 адказаў, Сяргей Міхалок чытаў у ліку іншых сваіх любімых вершаў у перапынках паміж песнямі. А ў верасні 2011 года, на канцэрце ў Санкт-Пецярбургу, «Ляпіс Трубяцкой» ўпершыню выканаў песню «Не быць скотам», напісаную на тыя самыя вершы Купалы.
«Я доўга не мог падступіцца да гэтага вершу, бо тут у некалькіх радках закладзены эпас і гісторыя цэлага народа, — распавядае Сяргей Міхалок. — Мяне ўразіла, што вершы, напісаныя шмат гадоў назад і якія былі ў той час злабадзённымі і сфакусаванымі на рэальным жыцці, і сёння гучаць вельмі актуальна. Пацешна, што Купала можа падказаць ўсім беларусам, што рабіць і як жыць тут і цяпер — прычым лепш, чым любыя прамовы сучасных палітыкаў».
Песня «Не быць скотам» стала першай ластаўкай з будучага альбома «Ляпіса Трубяцкога», які выйдзе ў 2012 годзе. Як і папярэднія чатыры пласцінкі групы, гэтая песня была запісаная ў Кіеве, і там жа «Ляпісы» знялі на яе відэакліп. Рэжысёрам роліка стаў Аляксандр Сцекаленка, да гэтага які зняў «Ляпісу Трубяцкому» кліпы «Я веру» (непальская версія) і «Прынцэса». У новым відэа музыкі гурта паўстаюць у вобразе людзей працы пачатку 20 стагоддзя: рабочых, сялян, разначынных інтэлігентаў, якія ў фінале хорам скандуюць: «Не быць скотам!».
«Я свядома змяніў назву песні, — тлумачыць Сяргей Міхалок. — У нас яна называецца «Не быць скотам», а не «Хто ты гэткi?», як арыгінальны верш Янкі Купалы. Таму што для мяне зараз «Не быць скотам» — гэта значыць, не быць нямой скацінай, жуйнай жывёлай, абыякавым да ўсяго, што тварыцца вакол і задаволеным змесцівам сваёй кармушкі — гэта наогул галоўны дэвіз. Я нават сабе татуіроўку зрабіў з гэтай фразай — на жываце".
15 каментароў
1. Пасля праглядання засталося нейкае пачуццё незкончанасці. Ў вогуле ідэя кліпа -добра. Тэкст Купалы — добра. Але музыка — пад 1918 год(а не 1908), але гэтага быць было не павінна, бо змяшалі яны несумеснае. На мой погляд — гэтую песню патрэбна выкладаць з большым асэнсаваннем(чаго Ляпісам яўна не хапае… яны бачаць толькі тое, што ляжыць на версе… але што глыбей — яны зразумець чамусьці не здольны..., бо сапраўды ў вершы больш сэнса, чым здаецца на першы погляд. Музыка павінна (зноў жа на маю думку) быць больш стрымленай… бяз вось гэтых «фанфараў»… не наш беларусскі гэта стыль… Супакоена… мінімалістычна… але вельмі меладычна і бойка ды ў самыя нетры душы -вось гэта па-нашаму.
2. Ляпісы ўсё ж такі камерсанты...і гэта бачна… якія б добрыя жаданні ў іх не былі… але яны ўсё наравяць прадаць...і як гаварыў паважаны Лесьяр — гэта дрэнна… Вось і тут… камерчнасць...і яна бачна. Але ў адносінах да лёсу Радзімы — гэтага не павінна быць у вогуле. И вось тое што ён сказаў пра тату… Тая ж тату — рэч інтымная...і вось так распаўсюджвацца пра яе — самі ведаеце каму звычайна…
3. Сцяг… ну вось ну зусім кранула за душу… з дрэннай старонкі… Не магу гэта растлумачыць добра… але вось тое, што яны кранулі шаноўнае — мне не падабалася… Нешта тут не так…
Нельга пець гэткае, не адчуўшы гэтае на сваёй скуры… ды з рукамі ў кішэнях…
Камерцыю можна разглядаць як сінонім «яно павінна ўесца ў галаву шырокай масе людзей». Я думаю, што менавіта гэта і было мэтай песні, не? І да аднаго месца тут «лірычныя прыгажосці душы Беларускага селяніна».
Так, а каб слязу пусціць не хапае чаркі-шкваркі, ды буслоў па БТ — гэта ўсё тааааак па-беларуску. Бо навошта нам бунтарскі галоп, аздоблены вясёлымі «фанфарамі» у музыцы? Мы людзі мірныя, талерантныя, і ў нас усё добра, а што не добра — будзе лепш. Не трэба хвалявацца…
Вось, тааак. Я згодныыы. Трэба каб
скотлюд забачыў кліп і ўсё астатняе жыццё разважаў над сокральным сэнсам сусвету. хДВось толькі не тое ты ўбачыў.А наконт «рожу ад'еў» — ну хіба мы тут у 21 стагоддзі ЎСЕ нічога не кушаем… Ну і так. Мітолы зрабілі бы нешта кшталту металіцы — Зе Уан ці Анфэгівен які.
Ахуенны кліп.
1) Тэкст.
Ён сапсаваны самім гэтым лозунгам «ня быць скотам».
Асабліва пасля пытання «чым БЫЦЬ ХОЧАШ?» нелагічна гучыць адказ "не хачу быць тым-та...". То бок, той, хто адказвае, як бы не мае яснага ўяўлення пра мэту свайго жыцця. Ён толькі ведае, што яму нешта не падабаецца, і не далей за гэта.
Тут, зразумела, віны Міхалка няма: думаю, ён узяў найлепшы верш, які ведаў на той момант.
Але тая ж самая рэч для мяне сапсавала песню «Грай»: там таксама галоўны негатыўны лозунг «Гані быкоў». Таксама скіраванасць на тое, каб знішчыць нешта «дрэннае», а не стварыць «добрае». Знішчы дрэннага дзядзю, а далей усё цудоўным чынам само наладзіцца.
Звычайна ў жыцці такія рэчы («не хачу быць <ля-ля>», «давайце знішчым <тра-та-та>») кажуць людзі, што вінавацяць у сваіх праблемах усіх, акрамя сябе.
Таксама, на жаль, большасць беларусаў, якія прагнуць змены ўлады ў нашай краіне, вельмі цьмяна ўяўляюць, які дзяржаўны лад яны б хацелі стварыць, як правільна трэба арганізоўваць грамадства, і калі пачаць распытваць, то будзе найхутчэй нейкі шаблонны абстрактны адказ.
Цікава, што нават у сучасных рэкамендацыях па ажыццяўленні рэвалюцый раяць ужываць не негатыўныя лозунгі, а пазітыўныя («за [штосьці]»).
2) Няшчырасць.
Калі глядзець па песнях і выказваннях Міхалка, ён прытрымліваецца касмапалітычна-пацыфісцка-ліберальных поглядаў. «Все разные, все равные», далоў дзяржавы і межы, далоў нацыянальнасці, далоў саслоўны падзел.
У той жа час сцяг Юр'і і герб Пагоня — гэта менавіта ідэалагічныя, дзяржаўніцка-каставыя сімвалы.
Насамрэч Міхалок можа сам сабе супярэчыць у межах аднаго альбома і аднаго інтэрв'ю.
Таму бачу тры варыянты:
а) ён неахайны ці проста дурны і не бачыць, што сам сабе супярэчыць (што малаверагодна);
б) ён адмыслова заблытвае, троліць аудыторыю, б'е па эмоцыях для накручвання папулярнасці, а свой праўдзівы твар ніколі не паказвае;
в) ён перакананы касмапаліт і ліберал, а нацыяналістычныя матывы ўжывае толькі каб часова загіпнатызаваць і мабілізаваць даверлівых рамантыкаў.
Калі даверлівыя рамантыкі скінуць Луку, не маючы ўяўлення пра правільную арганізацыю дзяржавы, то прыйдзе або новы Лука, або заходняя марыянетка. Ні таго, ні таго мне не хочацца.
P.S. Лепш дачакаемся, як слухачы адрэагуюць на кампазіцыю спрадара Хольга на верш Купалы «Паўстань».