Гурт Re1ikt зьдзівіць новым гучаньнем
Апублікавана
у
Навіны
Менскі гурт Re1ikt на польскім опэн-эйры Halfway Festiwal (Op!era Folk Fesitval), які пройдзе з 29 чэрвеня па 1 ліпеня ў Беластоку, плануе выступіць з абноўленным гучаньнем.Музыкі дадалі ў сваю праграму такія народныя духавыя інструменты, як акарына, шалмей, сапілка, розныя флейты. Партыі склаў і выканае сэсійны вакаліст Re1ikt Сяргей Долгушаў.
Лідар post metal гурта Re1ikt Аляксандр Дземідзенка: «Мы вырашылі, што трэба нешта зьмяніць у нашай музыцы, дадаць чагосьці новага і сьвежага. Калі мы хочам нешта памяняць, то цяпер — самы час. На адной зь першых рэпетыцый Сяргей прапанаваў паспрабаваць выкарыстаць народныя духавыя інструменты — і гэта было проста неверагодна, мы ўсе былі ў шоку, так нам гэта спадабалася.
Самае цікавае, што яго партыі добра ўліліся ў нашу музыку. Мы хочам выкарыстоўваць гэтыя інструменты ня толькі на акустычных канцэртах, але і ў «электрычнай» праграме. У шматлікіх замежных рэцэнзіях на наш альбом «Рэкі прабілі лёд» крытыкі адзначалі фолк-складнік у нашай музыцы, вось мы і паспрабуем разьвіць гэты накірунак».Нагадаем, што на Halfway Festiwal (Op!era Folk Fesitval) таксама выступяць вядомыя выканаўцы: FolkRoll (Беларусь), Гайдамакі (Украіна), Вася Обломов (Расея), Woven Hand (ЗША), Great Lake Swimmers (Канада) і інш.
0 каментароў