Рэцэнзія "Dialectic Soul - Сымон-Музыка"

Апублікавана 20 лютага 2012, 15:44 у Рэцэнзіі

«Старая гвардыя».

Перад намі канцэптыйны альбом на твор Якуба Коласа, створаны уласнымі сіламі невялічкага гурта з поўдню Беларусі. Мы атрымалі бокс, таму трэ зьвярнуць увагу на файны дызайн арта. Усё зроблена «рукамі», скажам так. Быццам бы акварэльнымі фарбамі ўсё намалявана — на кожнай старонцы ёсьць малюнкі, якія можна разглядаць пад час праслухоўкі альбома. Файна! Выдатна!

Гурт не малады. Шчэ на «Мэталэкшнах» можны было пачуць песьню «Dialectic Soul — Сымон-Музыка», і вось, цераз колькі гадоў мы чуем яе зноў. Добра, што гурты ў нас проста так не зьнікаюць, а працягваюць сваю кавалёвую працу.

Музычна альбом спалучае ранейшую творчасьць гурта разам з фолк-металам. Але гэта ніякі не фолк ці пэйган-метал. Гэта ўсё той жа журботны меладэз, разбаўлены як проста «аўтэнтычнымі» ды й нават заходнееўрапейскімі мелёдыямі.
Таксама ё крыху рок-ролла. Але толькі трошкі)
У выніку мы маем цікавую атмасферу. А цікава яна тым, што акунае нас ня ў дужа далёкі час, не ў паганскія палі ды лясы, а толькі гадоў на 100 ці крыху болей назад. Гэта вельмі сьпецыфічна, цікава ды нязвыкла. Адчуваньне пераломнага моманту — з аднаго боку вясёлыя жаночыя народныя сьпевы, а з іншага — нейкі «сёньняшні», я б сказаў, метал. Вельмі сумны, пранізаны нейкай журбой твор. Ну і канешне асаблівую магію дадае лірыка, ўзятая ў класіка беларускай літаратуры, — гэта толькі узмацняе спачуваньне гэтай асаблівай атмасферы, якую хлопцы стварылі сваёй музыкай.

Гэта ўласна беларускі альбом. Я кажу.

Асабліва трэба вызначыць тытульную песьню, трэк «Вясна» ды «Жыццё». А тым, каму падабаецца кельтык- ды вайкінг- музло трэба зьвярнуць увагу на песьню «Родны край»; р
Як аматар паганьска-фолкавай музыкі адзначу — фолкавыя ды, скажам так, гераічныя моманты атрымаліся не выдатна, але зноўку — гучыць гэта ўсё у струменьні ўласнай атмасферы альбому, так што вушы ня вельмі рэжа.

Першае, што вас можа ўразіць — як хлопцы граюць на басу. За гэта — апладысменты! Увогуле — альбом дастатковы тэхнічны у плане музыкі. Што наконт вакалаў — іх шмат розных. І проста жаночыя сьпевы і народныя хары, ды й брутальны мужчынскі рык ды ціхі шэпат.

Жыве Дыялектык Соул!