Касьцёл у Гнезна

Апублікавана 12 красавіка 2013, 17:17 у Падарожжы

Касцёл св. Міхаіла Архангела ў вёсцы Гнезна з'яўляецца помнікам гатычнай архітэктуры XVI стагоддзя, якіх на тэрыторыі Беларусі захавалася не шмат.
Гісторыя касцёла багатая рознымі падзеямі, былі ў ёй чорныя і белыя палосы. Так, у другой палове XVI стагоддзя храм належаў кальвіністам, затым перайшоў у рукі католікаў.

Не абыйшла касцёл ні адна вайна, бо храм выкарыстоўваўся ў якасці крэпасці для абароны мясцовага насельніцтва. Аб цяжкіх днях сведчыць гарматнае ядро, штозасталося ў цагляным муры касцёла.

За сваю гісторыю касцёл некалькі разоў гарэў і аднаўляўся, а ў савецкі час на будынак касцёла надоўгазабыліся, і да моманту развалу СССР ён паспеў прыйсці ў прыкметны заняпад.

Аднаўленнем касцёла св. Міхаіла Архангела займаўся яго цяперашні гаспадар – ксёндз Людзвіг, які літаральна ўзняў святыню з руін. На жаль, паразмаўляць з ім асабіста мне не давялося, але кажуць – вельмі дабразычлівы і цікавы чалавек, таму сёння пад час вандроўкі ў Гнезна падаецца магчымым аглядзець не толькі вонкавае ўбранства і інтэр’ер касцёла, але і паслухаць падрабязную гісторыю ад часоў яго заснавання да нашых дзён.

vk.com/architekture