Успенская царква (касьцёл) у вёсцы Сар'я

Апублікавана 2 чэрвеня 2013, 11:54 у Падарожжы

Падчас нашага працяглага падарожжа па Браслаўскім і Верхнядзьвінскім краі я нарэшце сваімі вачыма пабачыла адзін з самых яркіх помнікаў псеўдаготыкі і найпрыгажэйшы ў Беларусі касьцёл – сёньняшняя Успенская царква ў вёсцы Сар'я. Гэты невялікі храм, што быццам узьлятае ўгору, лёгкі і імклівы, у свой час нават пацярпеў за сваю прыгажосьць. Менавіта з такой фармулёўкай — «за велічнасьць» ў 1865 годзе касьцёл быў канфіскаваны царскімі ўладамі і перададзены праваслаўным. У апошніх яго адабралі ўжо ў савецкі час, а затым – бяссардэчныя ж людзі! – перабудавалі Сар’янскі касьцёл пад чатырохпавярховы склад для захоўваньня угнаеньняў. Тым ня менш, храм выстаяў і ў 1989 годзе ён нарэшце быў ізноўку перададзены вернікам. Цяпер ён дзейнічае як праваслаўная царква, бо, як мне вядома, рамонтныя работы працягваюцца на сродкі праваслаўнай часткі насельніцтва Сар’і.

vk.com/architekture