Таўкачыкі на Каляды

Апісаньне

Праект этнографа, кампазітара (лаўрэат конкурсу Radio France International), рэжысёра і прадзюсара Юрыя Францішка Выдронку. «UR'IA» грае прагрэсіўную музыку, заснаваную на магічных рытуалах, рытмічных і ладовых формулах старажытнай цывілізацыі Гіпербарэi. Асноўная канцэпцыя праекта «UR'IA» — адраджэнне радавой генетычнай памяці і старажытнай касмічнай энергіі.

Пры фінансавай падтрымцы Міністэрства культуры РБ «UR'IA» упершыню выступіць з сольным канцэртам у Беларусі. Да гэтага часу сольныя канцэрты «UR'IA» з поспехам праходзілі выключна за мяжой.

23 сьнежня «UR'IA» выступіць з праграмай «Таўкачыкі на Каляды» ў наступным складзе:

Юры Выдронак — гарлавы архаічны вакал, акустычная і электрычная гітары, жалейкі
Бартламей Лех Палыга (Польшча) — зорка еўрапейскай этносцены, мультыінструменталіст, грае як на класічных інструментах (віяланчэль), так і на розных этнічных (саранги, басэтля, фуярка (гуральная флейта) і інш), спявае абертонавай (двума нотамі адначасова).
Вольга Рыжкова — гарлавы архаічны вакал, жалейка, пластыка, касцюмы.
Эльміра Каткавец — вакалістка з натуральнай асяроддзя, дасканала валодае палескім дыялектам.
Юрый Задзіран — сітар, акустычная і электрычная гітары.
Андрэй Сівец — ударныя.
Слава Сергіенка — бас-гітара.

У канцэртнай праграме прымуць удзел госці, якія зарэкамендавалі сябе на фолк-мадэрн фэсце «Таўкачыкі»:

Бабулі — выканаўцы з натуральнай асяроддзя, жывыя носьбіты старажытных абрадаў, якія вартыя выступу на вялікай сцэне. Праект «UR'IA» і бабулі на адной сцэне — гэта вынік экспедыцыйных пошукаў і працы Юрыя Выдронку і Вольгі Рыжкова. Такі эксперымент упершыню быў пастаўлены ў 2002 годзе на сцэне «Славянскага базару» ў кампазіцыі «Весначуха». Таксама бабулі выступалі ў складзе «UR'IA» на «Таўкачыках».

У гэтым канцэрце бабулі пакажуць старажытныя паганскія рытуальныя абрады: «Каза», «Мядзведзь».

Таксама на адной сцэне з UR'IA «выступяць:

Струнны квартэт «Аніма»
vk.com/club20114458
Малыя склады духавога i эстраднага аркестраў
Студыя індыйскага танца «Наваратна»
vk.com/club38698853
«Re1ikt»
vk.com/re1ikt
«Ветах»
vk.com/vietah
«Грамницы» пад кіраўніцтвам В. Зіневіч
«Талака» пад кіраўніцтвам В. Калацея.

Квіткі для студэнтаў 20 000-25 000, астатнія да 80 000. Набыць можна ў касах па Менску (напрыклад, у пераходзе да ГУМа), спытацца можна таксама па т. +37529317 74 24

Арганізатары: Творчая лабараторыя Юрыя Выдронку, Міністэрства культуры Рэспублікі Беларусь, «Вебмюзик Паблішынг».
Месцазнаходжанне: КЗ, Менск, вул. Кастрычнiцкая,5