Гервяцкі касьцёл

Сёння касцёл у Гервятах выглядае бы сапраўдныя казачныя палацы з еўрапейскіх сталіц! Раскоша наваколля і ўбранства, цёплая палітра колераў, незвычайны дэкор, вытанчаныя вежы і вузенькія стральчатыя вокны – ўсё разам стварае непоўторныя ўражанні ад гэтага, здавалася бы, малавядомага, мястэчкавага, але, безумоўна, шыкоўнага, выбітнога сваім азлабленнем касцёла – аднаго з найпрыгажэйшых аб’ектаў архітэктурнага багацця нашае Радзімы. Да таго ж, на мой погляд, на Беларусі гэта адзін з нямногіх прыкладаў паспяховай рэстаўрацыі архітэктурных помнікаў, што не быў сапсаваны дойлідамі, не быў ператвораны ў аздін з безасабовых будынкаў, што стаяць па абодва бокі цэнтральных Мінскіх праспектаў, і знешні выгляд якога змяніўся толькі ў лепшы бок.

Ініцыятарам рэстаўрацыі касцёла ў Гервятах быў яго ксёндз Леанід Несцюк. Яго ж намаганнямі вакол касцёла быў закладзены дзівосны дэндрапарк, які першапачаткова змяшчаўся толькі на прыкасцёльнай тэрыторыі, але паступова саджанцы дрэў, кустоўя і кветак пачалі ўпрыгожваць і вясковую плошчу, якая акрамя гэтага аздоблена постацямі дванаццаці апосталаў і Міхаіла Архангела. А ў садку па-за касцёлам можна ўбачыць маленькія скульптуркі і разьбяныя драўляныя крыжы.