Траецкі касьцёл

… Пара гадзін у цягніку – і нарэшце я бачу праз забруджанае акно, што тата сустракае мяне на Палескім вакзале горада Баранавічы. Мы бачымся рэдка, але мне заўжды радасна, таму, дзякуючы вандроўцы, я на пэўны час адцягаю растанне. Каб даехаць да вёскі Ішкалдзь, трэба ехаць па старой трасе Баранавічы – Менск, таму мы зварочваем на выяздзе з горада раней, на дарогу, па якой апошні раз мне даводзілася ехаць у далёкім дзяцінстве…

Да Ішкалдзі адыходзіць вузенькая, нерасчышчаная сцежка, па абодва бокі цягнуцца заснежаныяпалі, ні дрэўка, ні кустоўя. Траецкі касцёл знайсці лёгка, ён знаходзіцца ў цэнтры вёскі, гэты невялічкі, беласнежны, унікальны для Беларусі помнік гатычнай архітэктуры. Улічваючы тое, што Траецкі касцёл быў сведкам падзей яшчэ Вітаўтаўскіх часоў, і ўпершыню ён ўзгадваўся ў летапісах ужо ў 1472 годзе, захаваўся помнік да нашых дзён у вельмі добрым стане. Да таго ж, вядома, што з цягам гісторыі касцёл не перабудоўваўся і не змяняўся, а пашкоджаны быў толькі аднойчы – пад час вайны Расіі з Рэччу Паспалітай у 1654-1657 гадах.

Студзень, 2011 год
vk.com/architekture