Што такое рэйтынг?

Апублікавана 26 жніўня 2011, 16:14 у BelMetal

У апошні час пасыпалася ўсё больш і больш пытанняў наконт рэйтынгу і сілы, нават некаторыя крыніцы паведамляюць, што нехта спрабаваў загуглить фразу «як зрабіць рэйтынг на belmetal» :]

Што такое рэйтынг?

Спачатку трэба сказаць, што рэйтынг(стрэлкі ўніз/уверх) мае ўсё, што ёсць на гэтым сайце, а дакладней: карыстальнікі, стацці, каментары і нават группы. Рэйтынг — гэта ўласныя адносіны актыўнага ўдзельніка праэкту к адному з элементаў сайту. Даваць адзнаку і важна, і трэба, т.я. па-першае, гэта матывіруе нешта пісаць і ствараць(бо, заўсёды прыемна бычыць рэзультат сваёй працы) ці наадварот — дазваляе «апусціць» на дно неякасныя, дрэнныя рэчы, якія нават тролліць няма жадання. Па-другое, гэта дапамагае сістэмізаваць матэрыял: добрыя топікі трапляюць ва ўкладку «добрыя», а дрэнныя ў «дрэнныя». Калі топік ну зусім добры і ўсім-ўсім падабаецца, ён трапляе на галоўную старонку. Такім чынам супольнасць сама вырашае, што цікава, а што не.

Акрамя таго, на сайце дзейнічае так званы «парог рэйтынгу», які з'яўляецца абмежаваннем ва ўплыванні чалавеку на жыцце сайту. Напрыклад, дзеля таго, каб аддаць свой голас за ўпадабаны гурт, трэба будзе набраць рэйтынг вышэй за 1. Гэта трэба дзеля таго, каб нейкі дурань раптоўна не дадаў гурт «Сябры-2» і сам жа намаляваў яму рэйтынг з розных аккаунтаў. Такім чынам, рэйтынг адказвае за магчымасць уплываць на падзеі на сайце. Як атрымаць рэйтынг і якія яшчэ абмежаванні ёсць, я напішу ніжэй.

Што такое моц?

Любы голас на сайце НЕ раўнапраўны, ён мае асаблівую вагу. За гэта адказывае параметр "МОЦ". Напрыклад: у каталозе ёсць нейкі «джаз-бэнд». Спадару Кастусю ён падабаецца, а вось пані Рагнедзе — не. Спадар Кастусь ўжо паспеў зарэкамендаваць сябе як дасведчаны меламан і мае пэўную моц +10, а прыгожая пані яшчэ не, і мае моц +1. Такім чынам, атрымаўшы адзнаку ад абодзвух чалавек, «джаз-бэнд» атрымае больш станоўчага рэйтынгу чым негатыўнага, так як голас Кастусю з'яўляецца больш «моцным».

Адкуль бярэцца рэйтынг?

Тут усе вельмі проста:

• Галасуючы за чалавека вы дадаёце яму рэйтынгу
• Галасуючы за топік, вы дорыце як рэйтынг, так і моц аўтару топіка.
• Галасуючы за каментар, вы дадаеце моцы яго аўтару

Рэйтынг можа быць ніжэй за нуль, а вось моц ня можа

На даны момант на сайце існуюць наступныя абмежаванні:

• Стварыць каллектыўны блог могуць карыстальнікі з рэйтынгам вышэй за 1
• Стварыць гурт могуць карыстальнікі з рэйтынгам вышэй за 0
• Пакідаць камментары могуць карыстальнікі з рэйтынгам вышэй за -10

• Карыстальнікі з рэйтынгам ніжэй за -1 могуць ствараць запісы ў блогах не часцей за 30 хвілін
• Карыстальнікі з рэйтынгам ніжэй за -1 могуць пакідаць каментары не часцей за 5 хвілін

• Галасаваць за гурты могуць карыстальнікі з рэйтынгам вышэй за +1
• Галасаваць за людзей могуць карыстальнікі з рэйтынгам вышэй за +1
• Галасаваць за блог могуць карыстальнікі з рэйтынгам вышэй за 0

Пакуль што галасаваць за каментары і топікі могуць усе людзі з рэйтынгам вышэй нулю, аднак, пасля таго як збярэцца N «моцных» людзей, парог будзе вышэй. Гэта будзе патрэбна каб піянеры не накручвалі сабе рэйтынгі. Таму, калі ў вас ёсць жаданне ствараць рух і удзельнічаць ў ім, стварайце свае топікі і адзначайце чужыя. Дарэчы: ва свой ўласны блог вы можаце пісаць што вам заўгодна, абы і іншым было цікава. Калі ж вы заўважылі, што на сайце няма нейкага цікавага раздзелу, вы можаце стварыць калектыўны блог, у які могуць пісаць усе карыстальнікі.
Дзеля таго, каб стварыць блог, трэба перайсці ў "Напісаць" і націснуць кнопку "Стварыць блог". Дзеля таго, каб закінуць ваш запіс ў блог, трэба перайсці на старонку блогаў ды далучыцца да яго.