Як стварыць свой гурт і дадаць аўдыё ў каталог.
Апублікавана
у
BelMetal
Вітаю. Зараз паспрабую раскрыць тэму аб невялікай частцы працы сайта, якая тычыцца каталога гуртоў. Спадзяюся, што інфармацыя будзе цікавай.
- Па-першае, для таго, каб дадацца ў каталог БелМетал, неабходна прайсці рэгістрацыю. Калі ўзнікнуць нейкія праблемы, то крычаць можна сюды.
- Далей перайсці ў раздзел гурты; і клікнуць па кнопцы стварыць. Ці другі варыянт: Праз галоўную кнопку "Далучыць" пункт "Зарэгістраваць гурт" На дадзены момант гэтая функцыя даступная любому карыстальніку. Пазней для гэтага прыйдзецца набраць пэўную колькасць рэйтынгу. (Гл. арт. Рэйтынг)
- Запаўняеце неабходную інфу.
- Віншуем! Цяпер запіс аб вас ёсць у базах сайта БелМетал. На сайце ўключана прэмадэрацыя гуртоў. Для таго, каб прайсці яе як мага хутчэй, лепш за ўсё напісаць у прыват аднаму з адмінаў — раз і два.
- Пасля таго, як вы стварылі свой гурт, ў яго з'явіцца свой блог для публікацый. Гэтак жа вы аўтаматычна становіцеся адміністратарам старонкі гурта. Гэта значыць, што вы можаце самастойна рэдагаваць дадзеныя аб сваім гурце і пісаць у блог нейкія цікавыя навіны. Таксама да кожнага гурта могуць быць далучаныя яго актыўныя ўдзельнікі: мадэратары або карыстальнікі — гэтыя людзі таксама могуць дадаваць запісы ў блог гурта ці рэдагаваць іх (мадэратары, адміністратары). Гэтак жа ў гурта могуць быць свае прыхільнікі. Прыхільнікі — гэта людзі, якім падабаецца творчасть таго ці іншага гурта, і яны жадаюць падкрэсліць гэта, альбо атрымліваць спам ад гэтага гурта на сваю электронную пошту (гэта нейкі аналаг удзельнікаў суполак укантакце, якія нічога не робяць, але падтрымліваюць гурт).
- Бо на сайце ўсё загорнута на блогах, дадаць новы запіс аб жыцці гурта (дадаць аўдыё, фота), можна толькі стварыўшы асобны аўдыё топік і размясціўшы яго ў блог гурта. Для фатаздымкаў ёсць асобны тып топіка званы «фотарэпартаж».
Дзеля таго, каб дадаць новага ўдзельніка гурта, трэба перайсці на старонку профіля гурта, націснуць кнопку рэдагаваць гурт ды перайсці ва ўкладку карыстальнікі (акрамя таго, для таго, каб даць чалавеку адміністратара, мадэратара або удзельніка гурта, ён павінен быць запісаны ў ягоныя прыхільнікі).
(!) Тут варта адзначыць, што мы спрабуем зрабіць якасны і зручны ў выкарыстанні рэсурс. Таму не лянуйцеся заліваць аўдыё на сайт, а не кідаць голыя спасылкі на цэлыя альбомы праз файлаабменнікі, на якіх прымушаюць па 10 хвілін глядзець парнуху, а потым кажуць, што файл не знойдзены. Калі ў вас ёсць праблемы з інтэрнэтам, то можаце зрабіць «голы альбом» і напісаць у лічку аднаму з адмінаў (а можна адразу абодвум, стварыўшы канферэнцыю) спасылку «што-дзе-запампаваць і куды заліць».
1 каментар