Каментары на сайце

Апублікавана 20 верасьня 2011, 01:56 у BelMetal

Сайт працуе ўжо некалькі месяцаў, за гэты час на ім з'явілася досыць цікавага(ці не?) кантэнту. І неабыякавыя карыстальнікі(хвала Ктулху яны знайшліся) пакідаюць да іх усё больш і больш каментараў. Аднак на жаль, многія ўдзельнікі звыклі да лінейнага форумнага каментавання. І не зусім дакладна робяць гэта тут, па гэтым я хачу растлумачыць некаторыя моманты зносін на belmetal.org.

На гэтым сайце выкарыстоўваецца дрэвападобная сістэма каментароў. Гэта значыць, што пакідаючы каментар трэба быць вельмі уважлівым да месца у якім вы яго пакідаеце.

• Па-першае каментар можна пакінуць непасрэдна да топіка — за гэта адказвае кнопка «каментаваць» (знаходзіцца на самым прыканцы стужкі каментараў). Заўважу, што пакідаць каментары да сваіх жа топікаў — дурны тон!!! Так сама, калі інфармацыя ў топіке аднавілася (або страціла актуальнасць і яе неабходна замяніць) новую інфармацыю варта дадаваць у канец топіка з паметкай UPD (апдэйт) прыклад нумар адзін і прыклад нумар два.
• Па-другое каментар можна пакінуць да іншага каментара(гэта значыць адказаць на яго) для гэтага варта карыстацца кнопкай «Адказаць» пад адпаведным каментарыем. У гэтым выпадку ваш адказ з'явіцца не ў самым канцы топіка, а пад тым каментаром на які вы адказваеце.

Такая сістэма вельмі зручная бо для кожнай паднятай на абмеркаванне падтэмы ствараецца новая галінка абмеркаванняў якую можна згарнуць, або праматаць(стрэлачкі ўверх/уніз ПАД каментарам, тыя што збоку адказваюць за галасаванне(дарэчы, так сама давайце свае адзнакі ўсяму на сайце)). У гэтым выпадку інфармацыя нашмат лепш сістэматызуецца, не губляецца і больш за тое, можна заўсёды зразумець хто з кім і пра што вядзе гутарку нават калі ў топіцы 100500 каментарыяў напісаных у розны час на розныя тэмы.

UPD. «Туды-сюды»

Калі ў топіку набралася вельмі шмат каментараў і вы не ведаеце, якія вы чыталі, а якія не (а Вы гэтага не ведаеце!, Бо новыя каментары часцей за ўсё з'яўляюцца незде ў сярэдзіне топіка):
1. Вы можаце скарыстацца спецыяльнай кнопкай(яна нагадвае кола), якая знаходзіцца справа. Гэтая кнока абновіць дрэва каментароў не абнаўляючы старонку(карысна, калі топік вельмі жывы).
2. Калі ў топіку ёсць новыя адказы, то пад «колам» з'явіцца кнопка з колькасцю каментараў, якія вы не прачыталі, а таксама дапаможа знайсці іх (пракруціць вас да патрэбнага камэнтара і вылучыць яго чырвоным).
3. Акрамя таго, усе «новыя» для вас каментарыі выдзелены светла-шэрым колерам.

UPD. Рэдагаванне

Па вашых просьбах дадаў магчымасць рэдагаваць свае каментары.
Рэдагаваць каментары можна на працягу 10 хвілін пасля публікацыі або да таго моманту, пакуль не з'явіўся адказ на каментар.