Hok-Key вяртае былога вакаліста

Апублікавана 14 сакавіка 2013, 01:40 у Навіны

Менскі хэві-метал гурт Hok-Key паведамляе, што ў стан вяртаецца былы вакаліст Дзьмітрый «Нокі» Рудовіч, які пакінуў калектыў у жніўні 2011 года.

Як паведамляе гурт: “Мы працавалі з Нокi 6 гадоў і былі не заўсёды задаволены вынікамі. Зараз жа такія абставіны, што нам патрэбна супрацоўніцтва ў будучыні.

Мы сабраліся, абмеркавалі дэталі, якія прывялі да яго сыходу, прыйшлі да пэўнага кансэнсусу… і пачалі працу.

Ужо 30 сакавіка мы будзем выступаць разам. На жаль, Нокi за такі кароткі час ня зможа паўнавартасна вывучыць новую праграму, аднак мы зь вялікім задавальненьнем выканаем матэрыял, які аб'ядноўваў нас гэтыя 6 гадоў + эксклюзіўную праграму!”