Квартэрнік гурта Hok-Key 23 сакавіка 2012 г.

Апублікавана 27 сакавіка 2012, 23:42 у Рэпартажы

23 сакавіка адбыўся сольны выступ (квартэрнік) менскіх сьцёбных металістаў (ну канешне з доляй сур’ёзнасьці з большага). Ну на самой справе гэта меладычны метал не маючы аналагаў ў Беларусі, Hok-Key! Пагналі. Вядомы гурт, ня мае сэнсу распавядаць, хто яны такія (амаль 18 год мінула з заснаваньня). Адбылася гэтая імпрэза ў клубе-бары “Йо-Ма-Йо”. Трэба адзначыць, што ў гурта з’явіўся новы ўдзельнік — Віталь Бараўкоў, замест дзяўчынкі-клавішніцы (на жаль, бо прыгожая была).

Буйны канцэрт, са старымі, добрымі песьнямі… з конкурсам на лепшае выкананьне адной зь іх (Тень Зверя), у якім пашчасьцiла ўдзельнічаць і мне. Канцэрт адбыўся ў прыемнай утульнай атмасферы, сярод сяброў калектыва, знаёмых і не абыякавых да творчасьці “хакеістаў”. Канцэрт быў падзелены на 2 часткі, паміж якімі сыгралі вядомые таксама музыкі – Стас Піскуноў і Сяргей Пінчук, пад назвай “Чук и Чукчи”. Даволі прыемны музон, блюзавыя матывы з элементамі рок-н-ролу і гумарам тэкстаў. Цалкам вячора была сумбурнай, але прыемнай, ды ўсё ж чагосьці не хапала. Гэта быў адзін з тых выступаў, калі хацелася драйву, чаду і атмасферы сапраўднага рок-н-ролу… Гледачы і слухачы, седзячы на сваіх месцах (а месца як раз-такі ў клубе й ня было), падтрымлівалі сяброў- хакеістаў. На жаль канешне, але ж ня ўсё так дрэнна. Увогуле гэта быў прыемны вечар пад прыемную музыку. Натоўп толькі ажывіўся напрыканцы другой часткі, калі Hok-Key гралі свой хіт “Сьцягі”, які калісьці выконваўся на рускай мове, але ж потым быў перакладзены (і я лічу, што так лепей…imho). Аднак было бачна, што людзям не абыякава, і яны ня проста так прыйшлі ды й песьні, што гучалі ім больш чым знаемы, і нават зь месцаў сьпявалі разам з новым, але ўсталяваўшымся сьпяваком – Віталем Бугарковым у выкананні якога песьні гучаць не меньш прыемна і ёсьць свой каларыт. Хачу выказаць шчыры дзякуй удзельнікам за творчасьць, за тое, што існуюць на працягу столькі гадоў, за гумар тэкстаў, а таксама за сур’ёзнасьць, якая прысутнічае ня гледзячы на сьцёб, які яны прапануюць! Шкада толькі, што канцэрт адбыўся ў невялічкім клубе, а не ў якім-небудзь Рокер бары, напрыклад, (ташчамта), на жаль нельга паліць ды піці піўка адначасова)) Бо так хацелася, амаль немаглося!))) Дзякуй ўсім, хто прысутнічаў і быў часткай гэтага! Да новых сустрэч, а гуртам і музыкам ў асобнасьці – творчага ўзьлёту і выступаў на буйных пляцоўках краіны і сьвету (напрыклад, Менск-Арэна)) БелМетал заўсёды з вамі!