Перамоем косткі Axl Rose'у
Апублікавана
у
Навіны
Учора вы не прызналі басіста Гансаў Duff'а McKagan'a, мабыць, сёньня выйдзе крыху лепей. Ужо рыжага д’ябла, імя якому Axl Rose, павінны ведаць усе. Выйшла так, што яго 52-годзьдзе йдзе сьледам за 50-годзьдзем былога калегі з Guns'n'Roses. Параўнаць спадара Axl'a у року і метале амаль няма зь кім. Такой гісторыі ўзьлёту і падзеньня могуць пазайздросьціць многія пісьменьнікі і рэжысёры. Мабыць блізка падабраўся толькі пан Blackmore, які разваліў два культавых гурты, і то – толькі прыкрываючыся нізкім прафесіяналізмам выпертых ім удзельнікаў ды гэтым магутным словазлучэньнем «Гэта Бізнес».
Axl Rose разваліў толькі адных Гансаў, але акрамя гэтага перасраўся ды пабіў усіх сваіх дзяўчын, спачатку выпер бубнача Steven'a Adler'a з гурта ды прыгразіў астатнім, што кіне іх, калі яны не перапішуць усе свае правы на назву Guns'n'Roses на ягонае імя, астатнія музыкі таксама паціху сышлі ад яго, ня вытрымаўшы заскокаў. Са злога і энэргічнага rock'n'roll гурта наш спадар зрабіў нешта пафаснае з двума раялямі, перасраўся з усімі журналістамі,
якія намагаліся напісаць тое, што яму не падабалася, некаторых нават пабіў. Аднавіў Гансаў ды ўмудрыўся запісаць правальны альбом, страціў усю моц голасу і растлусьцеў. Пра сталыя зрывы і замінкі канцэртаў нават і не кажу… Некаторыя вераць, што лёс вяртае нам усё благое назад, мабыць, так і адбылося зь некалі вялікім Axl'ам. Адзіным апраўданьнем усяго гэтага выглядае яго маніякальна-дэпрэсіўны псіхоз.Але давайце сёньня ўзгадаем маладога і добрага франтмэна культавага гурта Guns'n'Roses! Уладальніка ўнікальнага голасу, высокага, грубага і пранізьлівага да самых касьцей! Чалавека, які гіпнатызаваў публіку аднымі сваімі зьмяінымі рухамі! Аўтара выдатнай музыкі і лірыкі да яе, творы ягога можна і зараз адшукаць на мільёнах плэераў! Вельмі добрага сябра, які прайшоў выпрабаваньне беднасьцю і дапамагаў астатнім біцца зь перашкодамі!
З народзінамі, Axl! Веру, што ты калі-небудзь вернешся, такім, якім мне калісьці спадабаўся!
Сяргей Бохан (Rocker)
2 каментара
Легендарны вакалiст, унiкальны вакал!
У гурту со Слэшам тварылi беспадобную музыку