Новы альбом AC/DC

Апублікавана 16 лютага 2014, 21:53 у Навіны

Памятаеце, як я ў самым пачатку года распавядаў аб найбольш чаканых альбомах 2014? Дык вось, у самым канцы я сказаў, што ёсьць шмат непацьверджанай інфы пра новыя альбомы ад тытанаў року ды металу. Мае чаканьні пачынаюць увасабляцца ў жыцьцё , таму што Brian Johnson (для тых, хто не то што ў танке, але мабыць на кіламетровай глыбіні, нагадваю, што гэта франтмэн аўстралійцаў AC/DC) распавёў пра планы наконт новага альбома і сусьветнага турнэ.

Гурт плануе засесьці ў студыі ўжо ў траўні і пачаць працу над новым матэрыялам. Некалькі гадоў Дысі не гастралявалі і не запісваліся, ды ўвогуле ад іх не было амаль аніякіх навінаў. Адзін з удзельнікаў гурта цяжка захварэў, но ніхто ня ведае, хто гэта. Як патлумачыў вакаліст, гэта вельмі моцны ды горды чалавек, каб сазнацца ў сваёй слабасьці. Таксама ён дадаў, што да гэтага самага моманту яны не маглі нічога планаваць і рабіць, але зараз яны поўным складам адправяцца ў студыю ў Ванкуверы.

Brian Johnson не спыніўся нават на гэтым, гурт адправіцца ў турнэ, мэтай гэтага стане 40-годзьдзе AC/DC. Ён таксама падзякаваў усіх фанатаў, якія не забывалі гурт на працягу гэтых гадоў.

Мабыць у хуткім часе мы ўбачым навіны і ад другіх сталпоў?
Сяргей Бохан (Rocker)