Канцэрт Akute 03.11.12

Апублікавана 12 лістапада 2012, 00:03 у Рэпартажы

У суботу хадзілі невялічкай кампаніяй на вялікі канцэрт Akute. Відаць, не я адзіны вырашыў ісьці зь сябрамі, бо людзей у Re:public-у было вельмі шмат. Улічваючы папулярнасьць Akute, мяне гэта зусім не зьдзівіла, дарэчы. І таксама улічваючы тое, што гэта была ня нейкая прэцентацыя новага матэрыялу, а звычайны канц (тым ня менш, два новыя трэкі прагучалі). Гаворачы адразу, мне вельмі падабаюцца Akute і ўсе мае ўражаньні можна лічыць неаб’ектыўнымі.

Нягледзечы на тое, што канц быў заяўлены як сольнік, адкрываў яго гурт Avias, які грае гранж. Вакаліст, падобны на самі ведаеце каго, раней граў і сьпяваў у Krok'у. Наколькі я зразумеў, Avias і ё ідэйны спадчыньнік Krok'а. Перад канцам праслухаў некалькі іхных ЕР-альбомаў – цікавыя тэмы ё, але, як мне падалося, строга «на ахвотнікаў». Адыгралі таксама добра, але ж аўдыторыя была не пад іх, таму падтрымкі вялікай не атрымалі. Але ж паўнафарматны альбом цікава было б паслухать, калі б ен быў. Барабанамі кіравала драмерша з Eyecoin.

Пасьля зусім невялічкага сэту Avias (1 відэафрагмент зь якога можна ўбачыць ніжэй), на сцэну выйшлі Akute, ад чаго ўсе ў Рэпабліку завішчалі як сучкі. Сэт пачалі, як заўсёды, з “Кроў бы Вада”. Ужо ня ведаю, колькі раз усё гэта бачыў\чуў, і ўсё роўна не надакучвае, хачу яшчэ. Akute – вельмі доўгаграючы гурт, як мне здаецца. Суботні канц, па маім меркаваньні, быў самы лепшы з усіх канцэртаў Akute, на якіх я бываў. Публікі поўны клюб – усе вішчаць, падпяваюць, словы ведаюць – гэта немагчыма перадаць, калі граюць адну з тваіх любімых песень і усе вакол сьпяваюць разам з табою. Аддача публікі была нейкай невымоўнай – даўно я такога ня бачыў, хаця і хаджу на розныя канцы час ад часу, а парой і некалькі разоў за тыдзень. Пад «Непазьбежна» ўся заля прысела на падлогу, выказваючы гурту вышэйшую ступень павагі. Глядзелася усё феерычна, эмоцыі перапаўнялі. У рамках гэтага канцэрта Akute сыгралі два новыя трэкі, як ужо гаварылася. Гэта «Наскрозь» і «Бегчы». «Наскрозь» сыгралі нават два разы – у сярэдзіне сэту і ў канцы, калі другі раз выйшлі на біс. Абодва трэкі спадабаліся (будучыя хіты) – нячаста мне нешта падабаецца зь першага праслухоўваньня, але гэты выпадак – выключэньне. Невялічкая частка сэту гучала на акустыке. Нельмі незвычайна ў такім выкананьні гучала Непазбежна – цікава было праслухаць. На бэкграўндзе вісеў модны зараз праэкцыйны экран, па якім трансьляваліся абстрактныя відэаўрыўкі, якія дапамагалі ствараць атмасферу. Па гуку нараканьняў увогуле няма – усё ідэальна. Сьвятло было так сабе, але ўсё ж лепш, чым заўсёды ў Рэпабліку бывае, што ўвогуле нічога на сцэне не бачна.

На біс гурт вызывалі ажно два разы: першы раз, як заўсёды, яны сыгралі «Адзіноцства», пасьля чаго, разьвітаўшыся з ўдзячнай публікай, быццам бы сышлі са сцэны, а публіка, убачыўшы, што сьвет уключылі, пачала разыходзіцца. Але клюб быў поўны, і працэс выхаду зацягнуўся, ды нехта зноў пачаў араць «Ма-лай-цы», нехта проста «Дзя-куй», і відаць у гэты момант Akute вырашылі дабіць залю яшчэ адной песьняй і другі раз сыгралі «Наскрозь». Выйшла ня горш, чым у першы раз. У выніку атрымаўся лепшы, на мой погляд, канцэрт у гэтым годзе – ідэальна было ўсё. Наступны прыпынак — Cradle Of Filth.

Рэцэнзія, відэа: ch1basik
Пераклад: Sverr