Вясновая метал-адліга
Апублікавана
у
Рэпартажы
Вясна прыйшла, і абудзілася ня толькі прырода, але і людзі пасьля зімовай сьпячкі. 22 сакавіка Рок партал зноў адчыніў свае дзьверы для прыхільнікаў метал-музыкі – фэст Metal Zone – 2015 як-ніяк. Назва шматабяцальная, спадзяешся на тое, што атрымаеш порцыю разнастайнага металу па самыя вушы, але на самой справе ўсё было ня так.
Склад гуртоў быў даволі аднастайны па жанры: усе яны гралі сумесь груву, альтэрнатывы, ню-металу і хардкору, адрозьненьні былі толькі ў манеры выкананьня, падачы, прафесіяналізьме ды й у тварах. А вось склад нешматлікіх гледачоў (ня больш за 50 чалавек) быў куды больш разнастайны: прысутнічалі фэны са Смаленску і нават з Паднябёснай!
Канцэрт пачаўся з затрымкі амаль на гадзіну (усё-такі гэта традыцыя). Першымі гралі госьці зь Менску Explosive Ordnance Disposal. Разаграваць публіку – адказнае заданьне, і яны з гэтай справай справіліся: каля сцэны невялікі слэм усё-такі быў. Чым гурт запомніўся: паводзіны вакаліста на сцэне, здалёк ён быў падобны да злога прараба на будоўлі ці да прапара перад строем нашкодзіўшых духаў; годны кавер на Землян -“Трава у дома”, падчас выкананьня якога вакаліст паказаў добрае валоданьне чыстым голасам, за што яму “плюс”.
Пасьля іх на сцэне гралі 3t.ON і Бедлам 444 – адны зь першых магілёўскіх гуртоў, хто пачаў граць альтэрнатыўны метал. Гурт 3t.ON быў самым прафесійным на гэтай сцэне, бо яго ўдзельнікі гралі ў вядомых магілёўскіх гуртах па 5-10 гадоў (а вакаліст наогул зь 90-ых гг. на сцэне). Праграма складалася зь вядомых хітоў гурта, пад якія каля сцэны адтапырвалася дзесьці 20 чалавек. Ведаючы патэнцыял музыкаў, чакалася большага ад іх, але, магчыма, межы стылю не давалі ім разьвярнуцца.
Бедлам 444 былі наступнымі. Іхні выступ больш за ўсё спадабаўся публіцы. Як апынулася, гурт добра вядомы ў Смаленску, бо адзін фэн адтуль на песьні “Только не в мою смену” (якую потым гралі на біс) ператварыўся ў іх бэк-вакаліста; дарэчы, падчас іх праграмы на сцэне зьмяніліся два бэк-вакалісты (усё гэта было спантоўна, імпрэза, так кажучы) – ня кожны дзень такое пабачыш. Гурт вельмі спадабаўся публіцы, таму яны былі вымушаны адысьці ад праграмы, і выканаць некалькі песень, якія ня гралі доўгі час. Трэба адзначыць, што музыка 3t.ON і Бедлам 444 у адрозьненьні ад іншых, была больш цікавай, бо ўключэньне матываў рэгі, ска, эстраднай папсы зрабілі добрую справу: іх музыка была больш запамінальная.
Госьці зь Менску VerSus7 былі наступнымі, яны рабілі ўсё магчымае, каб хістовым грувам зь вялікім уплывам хардкору зачапіць публіку, але пасьля Бедлама людзей стала наполову менш. VerSus7 таксама добра ведаюць у Смаленску, бо той самы фэн, што сьпяваў зь Бедламам, далучыўся і да іх. Музыкі выкладваліся на ўсю, але зачапіць людзей ім не атрымалася – мабыць не адышлі гледачы пасьля сьпячкі зімовай.
Апошнімі выступалі госьці са Смаленску — гурт Lincore. Іх музыка была самай лёгкай на гэтым мерапрыемствы, але і самай прыемнай як на слых, так і на погляд – звонкі, чысты вакал ад прыгожай рыжавалосай франтвуман накіроўваў не на “дэстрой”са слэмам, а на простае назіраньне за прыгожым, ён дзейнічаў неяк расслабляльна пасьля брутальнага рыку ды гроўлу. Але гэта людзям не асабліва спадабалася – Магілёў на гэты раз паказаў сябе з дрэннага боку: калі пад Бедлам адрываліся ўсе: і смаляне, і магіляўчане, і кітайцы, то выступ Lincore на танцпляцы падтрымала ня больш за 10 чалавек, у іх ліку госьці з Паднябёснай. Крыўдна, вельмі крыўдна…
Аднастайны склад удзельнікаў, праблемы з гукам – мінусы дадзенага мерапрыемства. Плюсы – невялікі кошт квіткоў, добры вядоўца, конкурсы, і самае прыемнае – мульцінацыянальны склад гледачоў. Што сказаць, абуджэньне ад зімовай сьпячкі адбылося, крыўдна, што ў гледачоў моцу на ўсе гурты не хапіла, можа далей будзе лепш? Ускрыцьцё пакажа!
Дзякуй Тацьцяне Гейслер і Васілю Пляшкунову за фотаздымкі!
Склад гуртоў быў даволі аднастайны па жанры: усе яны гралі сумесь груву, альтэрнатывы, ню-металу і хардкору, адрозьненьні былі толькі ў манеры выкананьня, падачы, прафесіяналізьме ды й у тварах. А вось склад нешматлікіх гледачоў (ня больш за 50 чалавек) быў куды больш разнастайны: прысутнічалі фэны са Смаленску і нават з Паднябёснай!
Канцэрт пачаўся з затрымкі амаль на гадзіну (усё-такі гэта традыцыя). Першымі гралі госьці зь Менску Explosive Ordnance Disposal. Разаграваць публіку – адказнае заданьне, і яны з гэтай справай справіліся: каля сцэны невялікі слэм усё-такі быў. Чым гурт запомніўся: паводзіны вакаліста на сцэне, здалёк ён быў падобны да злога прараба на будоўлі ці да прапара перад строем нашкодзіўшых духаў; годны кавер на Землян -“Трава у дома”, падчас выкананьня якога вакаліст паказаў добрае валоданьне чыстым голасам, за што яму “плюс”. 
Пасьля іх на сцэне гралі 3t.ON і Бедлам 444 – адны зь першых магілёўскіх гуртоў, хто пачаў граць альтэрнатыўны метал. Гурт 3t.ON быў самым прафесійным на гэтай сцэне, бо яго ўдзельнікі гралі ў вядомых магілёўскіх гуртах па 5-10 гадоў (а вакаліст наогул зь 90-ых гг. на сцэне). Праграма складалася зь вядомых хітоў гурта, пад якія каля сцэны адтапырвалася дзесьці 20 чалавек. Ведаючы патэнцыял музыкаў, чакалася большага ад іх, але, магчыма, межы стылю не давалі ім разьвярнуцца. Бедлам 444 былі наступнымі. Іхні выступ больш за ўсё спадабаўся публіцы. Як апынулася, гурт добра вядомы ў Смаленску, бо адзін фэн адтуль на песьні “Только не в мою смену” (якую потым гралі на біс) ператварыўся ў іх бэк-вакаліста; дарэчы, падчас іх праграмы на сцэне зьмяніліся два бэк-вакалісты (усё гэта было спантоўна, імпрэза, так кажучы) – ня кожны дзень такое пабачыш. Гурт вельмі спадабаўся публіцы, таму яны былі вымушаны адысьці ад праграмы, і выканаць некалькі песень, якія ня гралі доўгі час. Трэба адзначыць, што музыка 3t.ON і Бедлам 444 у адрозьненьні ад іншых, была больш цікавай, бо ўключэньне матываў рэгі, ска, эстраднай папсы зрабілі добрую справу: іх музыка была больш запамінальная.
Госьці зь Менску VerSus7 былі наступнымі, яны рабілі ўсё магчымае, каб хістовым грувам зь вялікім уплывам хардкору зачапіць публіку, але пасьля Бедлама людзей стала наполову менш. VerSus7 таксама добра ведаюць у Смаленску, бо той самы фэн, што сьпяваў зь Бедламам, далучыўся і да іх. Музыкі выкладваліся на ўсю, але зачапіць людзей ім не атрымалася – мабыць не адышлі гледачы пасьля сьпячкі зімовай.
Апошнімі выступалі госьці са Смаленску — гурт Lincore. Іх музыка была самай лёгкай на гэтым мерапрыемствы, але і самай прыемнай як на слых, так і на погляд – звонкі, чысты вакал ад прыгожай рыжавалосай франтвуман накіроўваў не на “дэстрой”са слэмам, а на простае назіраньне за прыгожым, ён дзейнічаў неяк расслабляльна пасьля брутальнага рыку ды гроўлу. Але гэта людзям не асабліва спадабалася – Магілёў на гэты раз паказаў сябе з дрэннага боку: калі пад Бедлам адрываліся ўсе: і смаляне, і магіляўчане, і кітайцы, то выступ Lincore на танцпляцы падтрымала ня больш за 10 чалавек, у іх ліку госьці з Паднябёснай. Крыўдна, вельмі крыўдна… Аднастайны склад удзельнікаў, праблемы з гукам – мінусы дадзенага мерапрыемства. Плюсы – невялікі кошт квіткоў, добры вядоўца, конкурсы, і самае прыемнае – мульцінацыянальны склад гледачоў. Што сказаць, абуджэньне ад зімовай сьпячкі адбылося, крыўдна, што ў гледачоў моцу на ўсе гурты не хапіла, можа далей будзе лепш? Ускрыцьцё пакажа!
Дзякуй Тацьцяне Гейслер і Васілю Пляшкунову за фотаздымкі!
0 каментароў