Тролль Гнёт Ель у Менску (рэцэнзія)

Апублікавана 5 лютага 2013, 11:35 у Рэцэнзіі

У пятніцу горад Менск, а дакладней Rocker Bar, наведаў адзін з найлепшых, на маю зусім ня сьціплую думку, расейскіх beer-folk гуртоў «Тролль Гнёт Ель».

Выступаць на разагрэве ў гэтых піўных монстраў давялося нашаму гомельскаму гурту «Трактиръ».
Ужо за паўгадзіны да канцэрта каля дзьвярэй клюбу сабралося мноства аматараў піўнога фольку, і чым менш заставалася часу да пачатку дзейства, тым імклівей расла і колькасьць фэнаў.
Стоячы перад дзьвярыма клуба, часам можна было пачуць, як музыкі наладжваюцца, і адхапіць некаторыя урыўкі знаёмых мелодый.

І вось, зойдучы ў клюб я раптоўна ўбачыў, што колькасьць столікаў бачна скарацілася, і цяпер Rocker Bar насамрэч стаў больш падобны на сапраўдную канцэртную пляцоўку.
Пасьпеўшы адхапіць свабоднае месца за столікам, я падрыхтаваўся да пачатку выступу. На разагрэве, як я ўжо казаў раней, выступаў наш беларускі гурт «Трактиръ». Выйдучы на сцэну, хлопцы нядоўга думаючы пачалі сваю праграму з завадной песьні «Баня».
Так ужо склалася, што «Трактиръ» я чуў раней, але было ўсё гэта даволі даўно, і шчыра кажучы, я быў крыху зьдзіўлены, таму як хлопцы за гэты час выйшлі зусім на іншы ўзровень. Не разагрэты натоўп ўсё ж адразу сабраўся ля сцэны, і, мяркуючы па ўхваляльным кіўкам, гурт заваёўваў усё больш глядацкіх сімпатый.
Выступ гурта «Трактиръ» быў жывым, суладным і якасным, нават ня гледзячы на непаладкі з гукам на сцэне, хлопцы адыгралі выдатна.
Як толькі першы гурт пакінуў сцэну, я адправіўся папаліць. Дарэчы, паленьне ў клюбе гэтым вечарам было забаронена, і за захаваньнем правілаў сачылі асабліва злыя ахоўнікі.

І вось, пасьля нядоўгага перакуру на сцэне пад бурныя авацыі зьявіліся і хэдлайнеры канцэрту. Пасьля кароткага маналогу, музыкі пачалі сваю піўную праграму, і падагрэтыя фэны пусьціліся танчыць зь першай жа песьні.
Месца Джэтры (сьпеў, віслы), якая адсутнічала з прычыны народзінаў дзіцяці (гэтая вестка таксама была сустрэтая гучнымі воплескамі) часова заняла юная Яўгена, у якой у гэты ж дзень быў і дзень народзінаў
Працягваючы свой ​​выступ, у дадатак да старых хітоў «Тролль Гнёт Ель» выканалі таксама некалькі песьняў з новай праграмы, сярод якіх «Bierleichen», «День Святого Патрика», і яшчэ адна кампазіцыя, назву якой я, нажаль, не разабраў.
З пазітыўных момантаў канцэрту варта гэтак жа адзначыць выдатны гук для Rocker Bar'а, што мяне асабліва ўзрадавала.
Цудоўны выступ «Тролль Гнёт Ель» праляцеў зусім непрыкметна нягледзячы на тое, што праграма ў музыкаў была не такая ўжо і маленькая.
У цэлым, канцэрт атрымаўся выдатны і хацелася б выказаць велізарную падзяку гурту «Трактиръ» за выдатны разагрэў, «Тролль Гнёт Ель» за цудоўны выступ і выдатны фальклорна-піўной чад, а так жа, безумоўна, арганізатарам дадзенага мерапрыемства.